Улам бүр даяаршин буй одоогийн энэ нийгэмд жирийн малчны хотноос ч гэсэн хаа холын Америк, Герман зэрэг өндөр хөгжилтэй орнуудтай интернэтээр харьцан өөрийн бараа бүтээгдэхүүн хонины ноос, үхрийн ширээ сурталчлан зарах, эргээд тэдний үйлдвэрлэл үйлчилгээнээс худалдан авах боломж бусад хөгжингүй орнуудыг бодвол харьцангуй сүүлд ч болтугай бидэнд олдоод байгаа билээ.
Гэсэн хэдий ч бүгдэд маань олдож байгаа энэ боломж сайнаар бас саараар нөлөөлж байна. Өрсөлдөөнийг улам бүр хүчтэй болгож, өөрийн бизнес, бараа бүтээгдэхүүнийг бусдаас онцгойруулж харагдуулна гэдэг тийм ч амар зүйл биш юм. Үйлчлүүлэгчдийн хувьд ч гэсэн таныг сонгох уу, тив алгасан суугаа нэгэн шар толгойтыг сонгох уу гэдэг нь өөрсдийнх нь сонголтын л хэрэг.  Тэдний сонголтонд өөсдийнхөө маркетинг, зар сурталчилгаагаар нөлөөлөхийн тулд зайлшгүй сайн вэб сайт хэрэгтэй юм.

Бид интернэт гэдэг зүйлийг хэрэглэж эхлээд нилээд хугацаа өнгөрлөө. Миний хувьд өөрийгөө интернэтгүйгээр төсөөлөж ч чадахаа болиод байгаа. Бид интернэтээс хүссэн бүхнээ олж авч чадаж байна шүү дээ. Үүнд ихээхэн үүрэг гүйцэтгэж байгаа зүйл бол мэдээж вэб талбар (web site). Вэб талбар бидэнд маш их боломжийг олгодог. Байгууллага, пүүс компаниуд ч бараг бүгд л вэб хуудастай болж эхэлж байгаа нь үүнийг сайтар ойлгосны илрэл биз.

Сүүлийн хэдэн сар вэб хуудсуудыг зовоож байгаа нэг шүдний өвчин бол Win32 Iframe virus юм. Энэ вирус нь танай вэб сайтны эд эс бүхэнд нүхлэн ордог гэж хэлж болно. Вирус нь эхэндээ зөвхөн .html файлуудад нөлөөлж чаддаг  байсан бол сүүлдээ .php, .html ялгалгүй түүний кодын бүтцэд өөрчлөлт оруулдаг болсон. Сайтаа хамгаалах хамгийн сайн арга бол өөрийн pc -ндээ вирусны эсрэг найдвартай хамгаалалтуудыг суулгах хэрэгтэй. Ингэснээр вэб хуудсандаа вирус оруулахгүй байж чадах юм.

Бид танд доорх программуудыг санал болгож байна.

1. Avast Antivuris Home Edition
2. MalwareBytes
3. SpyBot

Одоо цагт бүхэл албан байгууллага, пүүс компани болон хувь хүмүүс  вэб сайт түүний үр ашгийн талаар хэнээс ч дутхааргүй мэдлэгтэй болжээ. Үүнийг даган вэб хуудастай болох  сонирхол сүүлийн хэдэн жилүүдийхээс эрс ихэссэн нь мэдээж. Хамгийн гол нь  та болон  танай байгууллага хэнд зориулж, ямар үйл ажиллагааныхаа илрэл болгон вэб хуудастай болох гэж байгаагаа сайн бодох хэрэгтэй. Нэг үгээр хэлбэл хэрэглэгчийн үүднээс харна гэсэн үг юм.

Нэгэн жишээ авч үзье:  танай компани хууль зүйн зөвлөгөө өгдөг байлаа гэж бодьё. Та компаныхаа зах зээлд олох амжилтыг улам бататгахын тулд вэб хуудастай болохоор төлөвлөжээ. Гэвч яг ямархуу өнгө үзэмж, бүтэцтэй вэб хийлгэхээ сайн бодолгүйгээр зөвхөн  хямд төсрийг нь бодож дурын нэг хувь хүн юм уу компани дээр очоод хийлгэжээ.

Тухайн үедээ таньд таалагдаж. Хямд зардлаар вэб сайттай болсондоо олзуурхаж байж болох юм. Гэвч үр дүн. Өдөрт хэдэн хүн танай сайтаар зочилж, өдөрт хэдэн хүн танай сайтнаас мэдээлэл аван танай үйлчилгээг сонгож байна. Энэ бол үр дүн юм. Тэгтэл таны хийлгэсэн сайт энэ шаардлагыг хангаж байна уу. Цаг хугацаа өнгөрөх тусам мэдээлэл нь хуучирч танай сайтруу хүн орохоо больж хэнд ч хэрэггүй хөглөрөх хэдэн  сая цахим хуудасны нэг болж болно. Таны хямд төсрөөр олдсон вэб хуудас чинь энэ мөчөөс эхлэн үргүй зардал болон хувирах нь энэ.